Panawagan sa Tanan nga mga Ilonggo

Nakatan-aw ako sa You Tube kag nakita ko didto ang pila ka mga hiligaynon nga ambahanon. Makita gid nga kita nga mga Ilonggo may duna nga talento. Ang masubo lang ugaling kay kadaku na gid sang impluwensiya sang dumuluong nga kultura sa aton ambahanon, panghambal kag panggawi. Gani maayo gid nga ibandera naton ang aton kultura bisan diin man kita nga bahin sang Pilipinas kag kalibutan.

Nagadayaw gali kita sa aton mga kauturan sa Panay kay sila gid prime ang nagapanguna sa pagpalapnag sang kultura nga Ilonggo. Ambot lang ayhan sa mga taga-Bacolod kag taga-Negros basi pa lang makabuylog man kami sa inyo nga mga taga-Irong-irong.

Gani sa tanan nga mga Ilonggo bugtaw na kita. Ipalapnag naton ang kamanggaran sang aton kultura. Bisan diin kita nga bahin sang kalibutan dapat naton panumdumon pirme nga kita Ilonggo. Kita kaapuhan sang mga isganan kag maisog naton nga mga kaluluhan. Kita mga maayong lake. Maragtason nga mga kaliwatan.